๑۩۞۩๑ هيا نرحبو بعودة جلاهم و مرام ๑۩۞۩๑ لعبة خفيفة ومسلية للأطفال ๑۩۞۩๑ مذكرات معلم في البادية (1982/1983 ) رواية شيقة باللهجة المغربية مع ترجمة الكلمات الصعبة بقلم الأستاذ الحمايدي ๑۩۞۩๑
مذكرات حوميدي الصغير (بالدارجة المغربية)
๑۩۞۩๑منتدى المغرب العربي على الفيس بوك ๑۩۞۩๑
     
صفحة 1 من 8 123 ... الأخيرةالأخيرة
النتائج 1 إلى 10 من 78

الموضوع: مذكرات معلم في البادية (1982/1983 )

  1. #1
    عضو متميز
    الصورة الرمزية houmidi59
    الحالة : houmidi59 غير متواجد حالياً
    رقم العضوية : 39335
    تاريخ التسجيل : 18 - 8 - 2013
    الجنسية :
    الهوايه :
    كيف تعرفت على المنتدى : بوشعيب56
    SMS :
    العمر: 58
    المشاركات : 568
    التقييم : 63550
    Array
    الجنس:

    ذكر

    معدل تقييم المستوى
    6555

    Arrow مذكرات معلم في البادية (1982/1983 )

    مقدمة

    شحال من واحد ما يعرفش ايدير شي حاجة ولكن مسكين الله غالبيحشم .النتيجة ما عمرو ما يعرف يدير ديك الحاجة .تلقاه مسكين يقول فنفسو غادي يضحكو عليا الى عرفو باللي ما نعرفش ندير ديك الحاجة .بكل صراحة بحال هاد النوع من البشر يجيبها ديما فراسو ويبقى في نظري كامبو من الدرجة الأولى .المهم هادي واحد القصة في هاد الموضوع



    الحلقة الأولى :






    هاد القصة وقعات في بداية التمانيات.كنت ياالله فاش تخرّجت من مركز تكوين المعلّمين بالرباط.على كل حال كان التعيين ديالي في نواحي مدينة تاوريرت ، فواحد لعروبية اسميتها أولاد سليمان .خوكم ما عمرو ما أسمع بها.سوّلت شي ناس باش ينعتو لي كي غادي ندير باش نمشي ليها .واحد السيد الله يعمرها دار قال ليا : شوف أخويا أنت باينة عليك برّاني .الحل الوحيد هو تاخود طاكسي كورسة حتى لولاد سليمان .طبعا وصلني حتى لبلاصة الطاكسيات ومشى في حالو.قرّبت من واحد الشيفور كان يقرى واحد الجورنال قديم .هو في الحقيقة جوج وراقي ديال الجورنال .المهم سلّمت عليه وقلتلو : الله يخليك باغي نمشي لولاد سليمان .واش تبغي توصلني؟
    شاف فيا مزيان .يمكن خونا بالله بحال الى بانْت لو كامبو .او هو يقول ليا : الطريق شوية بعيدة ومن الفوق مكرفصة حيت نصها بيست .انا صراحة ما نمشيش تمّا الى ماكانو عندي ست بلايص.
    جاوبتو ما كاين مشكل ، نقدر نخلص هاد الست بلايص.غير اوكان بشحال توصلني؟
    فكر شي شوية وقال لي : أخويا عندي المخسور غادي نرجع خاوي . لا لا ما مسلكانيش
    _ واخا ، وباش تسلك شحال ؟
    خونا بالله عجبو الحال أُو هو يقول ليا : دابا تكلمتي .أعطيني 100 درهم نوصلك حتى لباب المدرسة




    يتبع غدا إن شاء الله



    القاموس الحوميدي



    شحال : كم
    يدير : يفعل
    يحشم : يستحي
    كامبو : مغفل أو بليد
    لعروبية : البادية أو الريف
    سوّلتْ : سألت
    يْنَعْتو لي : يدُلّوني أو يرشدوني
    باش : هنا المعنى حتى أو كيف
    شوفْ : أنظرْ
    برّاني : أجنبي
    الشيفورْ : السائق
    الجورنال : الجريدة
    واش تبغي : هل تريد
    بانتْ لو كامبو : تبدو علي علامات المغفل
    مكرفصة : هنا غير صالحة
    نصها بيست : نصفها طريق غير معبّدة
    ما مسلكانيش : ليست في صالحي
    واخا : هنا تعني أني موافق أو قبلت عرضك
    عجبو الحال : هنا تعني فرح برضوخي للأمر (قبول عرضه)
    دابا : الآن

  2. #2
    عضو يستحق الترشح للأشراف
    الحالة : {منير} غير متواجد حالياً
    رقم العضوية : 24391
    تاريخ التسجيل : 10 - 11 - 2012
    الجنسية :
    الهوايه :
    كيف تعرفت على المنتدى : غوغل
    SMS :
    المشاركات : 2,355
    التقييم : 31860
    Array
    الجنس:

    ذكر

    معدل تقييم المستوى
    3593

    افتراضي رد: مذكرات معلم في البادية (1982/1983 )

    بسم الله الرحمن الرحيم
    السلام عليكم ورحمة الله وبركاته
    بكل صدق وصراحة سيدى عبد الحميد
    ياريت لو فتحت منتدى خاص بك فهو في المتناول
    وبدون شروط او قيود ماعليك الا ان تفكر مليا في هذا الامر
    لان خواطرك وشعرك وزجلك وقصصك الواقعية لايسعها الا منتدى اخوكم الحوميدي
    حقا وصدقا وعدلا انك تمتلك اشياء واشياء..
    فبسم الله وماشاء الله عليك
    سانتظر تتمت ماتبقي من قصة معلم في البادية
    بسم الله الرحمن الرحيم
    السلام عليكم ورحمة الله وبركاته
    اللهم شافى وعافى مراقبتى
    عطر النرجس كبير المراقبين


    http://www.livequran.org/

    http://www.pylon-group.com/e-seb7a/

  3. #3
    عضو متميز
    الصورة الرمزية houmidi59
    الحالة : houmidi59 غير متواجد حالياً
    رقم العضوية : 39335
    تاريخ التسجيل : 18 - 8 - 2013
    الجنسية :
    الهوايه :
    كيف تعرفت على المنتدى : بوشعيب56
    SMS :
    العمر: 58
    المشاركات : 568
    التقييم : 63550
    Array
    الجنس:

    ذكر

    معدل تقييم المستوى
    6555

    افتراضي رد: مذكرات معلم في البادية (1982/1983 )

    اقتباس المشاركة الأصلية كتبت بواسطة {منير} مشاهدة المشاركة
    بسم الله الرحمن الرحيم السلام عليكم ورحمة الله وبركاته بكل صدق وصراحة سيدى عبد الحميد ياريت لو فتحت منتدى خاص بك فهو في المتناول وبدون شروط او قيود ماعليك الا ان تفكر مليا في هذا الامر لان خواطرك وشعرك وزجلك وقصصك الواقعية لايسعها الا منتدى اخوكم الحوميدي حقا وصدقا وعدلا انك تمتلك اشياء واشياء.. فبسم الله وماشاء الله عليك سانتظر تتمت ماتبقي من قصة معلم في البادية
    وعليكم السلام ورحمة الله تعالى وبركاته أخي الفاضل منير
    يا أخي هدفي كان دائما هو االأخذ والعطاء وربما أعطي أكثر من ما آخد.كما أني أريد أن أسخّر تجاربي العملية والشخصية لشبابنا وهم في حاجة ماسة الى من يرشدهم ليس كأمثالنا أنت وأنا .
    على كل حال عندي بلوغ (blog)بإسمي وفيه كل مواضيعي وللأسف بالفرنسية حيت أن كتاباتي السابقة كلها بالفرنسية من غير مذكراتي التي فضلت أن تكون باللغة العربية بل وبالدارجة المغربية
    بارك الله فيك على المتابعة
    إشارة أخيرة في حالة إذا لم تفهم كلمة من القصة وقد أكون أغفلتها في الشرح فيمكنك كتابتها في ردك وسأكون سعيدا لإعطائك مرادفا لها باللغة العربية
    طاب مساؤك أخي الكريم

  4. #4
    عضو متميز
    الصورة الرمزية houmidi59
    الحالة : houmidi59 غير متواجد حالياً
    رقم العضوية : 39335
    تاريخ التسجيل : 18 - 8 - 2013
    الجنسية :
    الهوايه :
    كيف تعرفت على المنتدى : بوشعيب56
    SMS :
    العمر: 58
    المشاركات : 568
    التقييم : 63550
    Array
    الجنس:

    ذكر

    معدل تقييم المستوى
    6555

    افتراضي رد: مذكرات معلم في البادية (1982/1983 )

    خواني الكرام خاصكوم تعرفو باللي 100 درهم ديال ديك لوقيتة عندها قيمة كبيرة .تصورو من وجدة لتاوريرت كان ثمن التذكرة فالكار 5 ديال الدراهم و20 سنتيم والمسافة 110 كيلومتر. هاديك هي خَمّمْتْ مزيان فالأجر اللي طالبو الشيفور .واه هاد المبلغ يوصلني لمراكش قالقطار ويمكن يشيط لي باش نشري كاسكروط او باش نتسارى فالطاكسي.خوكم حوميدي ما شي كامبو لهاد الدرجة باش دغيا يوافق .
    _ عرفتي آش يجيك مْليح ؟
    _ نعم أسيدي آش حبْ الخاطر .(خونا بالله يسحاب ليه غادي نتشطر معاه فالركبة ، بحال البرد يقدر يحيّد ليا واحد عشرين درهم)
    _ زيد كمّل قرايتك فالجورنال وأنا غادي ندير شي دورة ومن بعد غادي نرجع
    السيد عرف راسو غادي يزكل كْلِيَانْ(client de marque) مهم :
    _ أجي أصاحبي ...ماتكون غير على خاطرك .غادي نوصلك لولاد سليمان، أعطيني غير ستين درهم
    بان لي السيد طاح فالشبكة ولكن واخّا هاكدا ، خليتو ومشيت.قبل ما نبعد عليه جاوبتو :
    _ خليها 40 درهم أنا راجع ليك .
    المهم باش ما نخليهش يرد علي ، دغيا بعدت عليه.هاديك هي ، قلت مع راسي نمشي لشي قهوة نشرب شي كاس أتاي منعنع. فالشارع الرئيسي كاين بزاف ديال لقهاوي ، اختاريت وحدة فالشوكة كانو بكري يسميوها الكعدة.ريّحت فالكرسي .قرّب مني واحد البرهوش لابس طابلية ما عمرو ما شافت الماء والصابون.
    _ آش تشرب أسويدي ؟
    شفت فيه :
    _ جيب لي شي براد أتاي منعنع او شي حاجة ما نكول
    _ عندنا أسويدي الخبز والكونفتير والزبدة
    _ مزيان ، ردّيت عليه، جيب لي طبسي كبير
    مشى الكارسون يجري وانا بقيت نشوف لكليان ديال القهوة.آه يا الخوت وانا لاحظ ما كاين غير بورزة.
    مشكلة هادي طحنا فقهوة لعروبية .وانا استاذ متعلم ماشي بلاصتي هادي.دغيا غادي يعرغوني برّاني.المهم قلت مع نفسي غير نفطر نخوي لبلاصة .
    على كل حال ، ياالله أنا نفطر وانا نشوف واحد السيد كان مورايا شاد الركنى داير يدّو على حنكو.راجل مَسْتيكي ( bien stiqué) مزيان .ما تكول عليه غير شي واحد من الطبقة الراقية.واحد لوقيتة شافني .بحال الى هز راسو ، خوكم رد عليه بابتسامة :
    _ تبارك الله على الأخ ، أجي تشرب معايا شي كاس أتاي.
    قرّب مني :
    _ الله يبارك فيك أخي
    وزاد قال لي :
    _ حتى أنت يظهر ماشي من هاد لبلاد
    _ عندك الحق أنا ماشي من بلاد بورزّة
    اضحك مسكين وقال ليا :
    _ أنا جيت من مكناس
    _ شاي الله أسيد التيجاني
    _ وأنت مين جيتي ؟
    _ جيت من الرباط
    انبهر السيد:
    _ من العاصمة ؟ أشنو بغيتي من هاد القنت اللي البراني يبان فيه على بعد 100 كيلومتر؟
    _ ما بغيتش أخويا ، هوما اللي بغاوني
    _ كيفاش أخويا ما مفهمتش
    _ وزارة التربية الوطنية صيفطاتني نقرّي فْشْي أعروبية ديال تاوريرت
    _ سبحان الله العظيم ...حتى أنا
    _ غير ما تكوليش صافطوك لولاد سليمان
    _ والله الى بَصَّح
    _ إوى آش درتي؟
    مسكين شاف فيا بحال إلى بغا يبكي :
    _ ما عرفتش أخاي .من البارح وانا هنا .ما عرفتش آش ندير .حارت لي واش نرجع ونسمح فالوظيفة او ...؟
    _ واه .وفين قضيتي الليلة
    _ فهادك لوطيل .أخويا الليل كامل وانا فايق
    _ يا ك ما قوة البشر؟
    _ واش من بشر ؟ لفراش كلو بق وبرغوت .والمشكل خدى مني 10 ديال الدراهم
    بقيت نفكر واحد لوقيتة وانا نقول ليه:
    أجي نديرو شي دورة ونسولو.الوالدة الله يذكرها بخير ديما تقول ليا اللي ما عندو لسان ما يتلف.أجي نشوفو هاداك مول الحانوت .يمكن يفيدنا
    اقتربنا من الحانوت.كيفاش غادي نوصفولكم .هدا مولاه يبيع كلشي : لحليب ، الخبز ، ماطيشة ، اللحم ..كولشي حتى لكواش والصنادل
    هادا عندو سوبر مارشي (super marché) يعني هادا سابق الأروبيين.ماشي بعيد يكونو خداو منو الفكرة
    المهم قرّبت منو :
    _ السلام عليكم
    _ وعليكم السلام أسويدي .
    _ اسمح لي باغي نسولك : ناويين نمشيو لولاد سليمان
    شاف فينا بجوج وبدى يضحك :
    _ ياك ما انتوما لَمْيُوطا الجداد (les nouveaux maitres)؟
    شفت فصاحبي ، حتى هو زاد أصفار مسكين:
    _ بحال داك الشي أخويا.ياك ما أنت المدير ؟
    _ آش من مدير .المدير راه مْجَلْوَقْ فْشي قُنْتْ
    _ فين ؟
    _ الله أعلم
    _ ما كاين مشكل .كو ليا لميوطا لقدام فين مشاو ؟
    _ ياك انتوما اللي عارفين
    _ واخّا .كاين شي مركوب لولاد سليمان
    _ كاين ولكن ماشي اليوم.نهار السبت يجيو هنا الكاميونات ديال ولاد سليمان باش يتسوقو
    _ وقتاش يرجعو ؟
    _ مع العاصر .مورا العاصر ما تلقى حتى كاميو يدور
    _ مزيان تبارك الله.شحال بعدى يدّيو لبلاصة
    _ 5 ديال الدراهم....لكن تركب اللور مع (حاشاكم ) لبهايم
    صاحبي الجديد صافي مسكين بقى غير شوية ويقدر يسكت ليه القلب.بدى يصرخ ويغوّت :
    _ مصيبة مصيبة كيفاش غادي نديرو.اليوم راحنا يا الله لخميس .باقي يومين.آش صبرني نْبات فداك لوطيل ؟
    ما تقلقش كاين المركوب ولكن شوية غالي
    _ شحال زعما ؟
    _ مية درهم
    _ بزاف ولكن قابل .ياالله نمشيو
    _ اصبر نمشي نجيب حويجي من لاكار خليتهوم قوسيني
    _ انا غادي نجيب حوايجي من لوطيل
    _ وهو كدلك

    يتبع غدا إن شاء الله


    ٍّالمعجم الحوميدي :


    خاصكوم : يجب عليكم
    فالكار : في الناقلة
    خمّمت مزيان : فكرت مليّا أو جيدا
    واه : كلمة وجدية تعني نعم
    يشيط لي : يبقى لدي
    نتسارى : اتنزه
    دغيا : بسرعة
    اعرفتي آش يجيك مليح : عرفت ماهو الأنسب إليك ؟ هل أدلك على ما يجب فعله ؟
    آش حب الخاطر : ماذا تريد ؟
    نتشطر : أقايضه في السعر
    يزكل كليان : يهرب منه الزبون
    خليتو : تركته
    فالشوكة : في الزاوية
    ريّحت : جلست
    طابلية : وزرة
    لكليان : الزبائن
    الركنى : الزاوية
    داير يدو على حنكو : بمعنى يفكر أو مهموم
    لوطيل : الفندق
    مجلوق فشي قنت : مرمي في الفيافي
    كولليا : قل لي
    شي مركوب : وسيلة للنقل
    لبهايم : الحيوانات
    لاكار : المحطة
    قوسيني : وديعة
    حوايجي : أمتعتي

  5. #5
    المديرالعام
    الصورة الرمزية battahi
    الحالة : battahi غير متواجد حالياً
    رقم العضوية : 13200
    تاريخ التسجيل : 14 - 10 - 2008
    الجنسية :
    الهوايه :
    كيف تعرفت على المنتدى : google
    SMS :
    المشاركات : 7,004
    التقييم : 40161
    Array
    الجنس:

    ذكر

    معدل تقييم المستوى
    5037

    افتراضي رد: مذكرات معلم في البادية (1982/1983 )

    روعة منك
    تجاوزت توقعاتي
    بيني وبينك . ,,, وليت نخاف نبدى لقراية للقصص ديالك حيث كيشدوني وما كيبغيوش يطلقوني .
    واليوم زدت ليها حتى الترجمة باش تشد بها كل رواد المغرب العربي
    لك مني ألف تحية




  6. #6
    أدارة المنتدى
    الصورة الرمزية ورد الجوري
    الحالة : ورد الجوري غير متواجد حالياً
    رقم العضوية : 16340
    تاريخ التسجيل : 4 - 5 - 2009
    الجنسية :
    الهوايه :
    كيف تعرفت على المنتدى : عن طريق تصفح القوقل
    SMS :
    المشاركات : 24,846
    التقييم : 95699
    Array
    الجنس:

    انثى

    معدل تقييم المستوى
    12354

    افتراضي رد: مذكرات معلم في البادية (1982/1983 )

    شكرا بارك اله فيك سرد سلس ممتع

    أنا ليـبي نحـبـك يا بلادي = ومــا نـرضـى تـرابك ينهان


  7. #7
    عضو متميز
    الصورة الرمزية houmidi59
    الحالة : houmidi59 غير متواجد حالياً
    رقم العضوية : 39335
    تاريخ التسجيل : 18 - 8 - 2013
    الجنسية :
    الهوايه :
    كيف تعرفت على المنتدى : بوشعيب56
    SMS :
    العمر: 58
    المشاركات : 568
    التقييم : 63550
    Array
    الجنس:

    ذكر

    معدل تقييم المستوى
    6555

    افتراضي رد: مذكرات معلم في البادية (1982/1983 )

    اقتباس المشاركة الأصلية كتبت بواسطة battahi مشاهدة المشاركة
    روعة منك تجاوزت توقعاتي بيني وبينك . ,,, وليت نخاف نبدى لقراية للقصص ديالك حيث كيشدوني وما كيبغيوش يطلقوني . واليوم زدت ليها حتى الترجمة باش تشد بها كل رواد المغرب العربي لك مني ألف تحية


    اوي أخي بطاحي بغينا الاخوان ديالنا يتعرفو على اللهجة المغربية وحتى على العادات والتقاليد ديال المغاربة.هادي فرصة باش نشجعوهوم للمطالعة..هههههه
    ياك بعدا المذكرات عجبوك؟ اوى هادا هو المهم .من جيهتي غادي نكتب داك الشي غير بالحلقات وانت كل نهار خدْ ليك وقيتة واقرى بالمهل.
    يا الله ليلتك مبروكة

  8. #8
    عضو متميز
    الصورة الرمزية houmidi59
    الحالة : houmidi59 غير متواجد حالياً
    رقم العضوية : 39335
    تاريخ التسجيل : 18 - 8 - 2013
    الجنسية :
    الهوايه :
    كيف تعرفت على المنتدى : بوشعيب56
    SMS :
    العمر: 58
    المشاركات : 568
    التقييم : 63550
    Array
    الجنس:

    ذكر

    معدل تقييم المستوى
    6555

    افتراضي رد: مذكرات معلم في البادية (1982/1983 )

    اقتباس المشاركة الأصلية كتبت بواسطة ورد الجوري مشاهدة المشاركة
    شكرا بارك اله فيك سرد سلس ممتع
    الله يبارك فيك أختي ورد.هذا طبعا من لطفك .أناجد سعيد بتواجدك بمتصفحي وبمشاركتك ذكرياتي
    ارجو لك لحظات ممتعة ومفيدة في كل حلقة
    طابت ليلتك

  9. #9
    عضو متميز
    الصورة الرمزية houmidi59
    الحالة : houmidi59 غير متواجد حالياً
    رقم العضوية : 39335
    تاريخ التسجيل : 18 - 8 - 2013
    الجنسية :
    الهوايه :
    كيف تعرفت على المنتدى : بوشعيب56
    SMS :
    العمر: 58
    المشاركات : 568
    التقييم : 63550
    Array
    الجنس:

    ذكر

    معدل تقييم المستوى
    6555

    افتراضي رد: مذكرات معلم في البادية (1982/1983 )

    الحلقة الثالثة :

    فعلا البيست اللي دخلنا ليها بيست واش من بيست.تصورو كلها حْفاري ومْعمرة حْجر.لدرجة أننا دَرْنا كْروفيزون .واحد لوقيتة بان ليا الشيفور بْحال الى نادم على هاد السفرة.قلت لو : ياك ما ندمتي أسويدي ؟ شاف فيا مسكين ، قال لي : فالحقيقة راني خايف الى شي رويضة أخرى تقولها. قلت لو : ما تقلقش وتوكّل على الله غادي نوصلو فالأمان. المهم دازت واحد الساعة بحال ما يكتبو الأدباء عصيبة شفنا فيها لعجب.شي مرات بحال تيبان ليا تهنا فالطريق.من ما لاحظت أيضا مسالك كثيرة خارجة من الطريق لكبيرة.باينة كتوصَّل لْشي بْلاصة.الشيفور اخبرني أن هاد المسالك كتوصل كل وحدة فيهم لْشي دار. لوقيتة اللي وصلنا لدوار اولاد سلسمان كانت الظلمة طاحت.هاد الدوار عبارة عن مساكن متفرقة وما تقشع والو الا بعض النقيطات ديال الضّو ، مما يعني أن خوتنا كيستعملو الشمع او القناديل.واحد لوقيتة سمعنا نباح الكلاب وحنا كنقتاربو من المدرسة.موراها بشي شوية ، سمعنا شي ناس يغوتو : شكون
    انتوما ؟ رد عليهوم الشيفور : هادو لميوطا . قرّب منا واحد منهوم وقال لينا : مرحبا بالمعلمين ديالنا.اوى راكو تعطلتو علينا. خونا بالله عيّط على اصحابو وقال ليهم : يا الله جيبو لعشا لميوطا وما تنساوش أتاي. شفت فصاحبي وقلت لو : عندك السْوارتْ ؟ رد علي : ما عندي سوارت وأنت ؟ قلت لو : كون كانو عندي كاع ما نْسَوْلكش. يمكن سمعنا شي حد من الجماعة .هاديك هي اخبرنا بأن السوارت راهم عند لمقدم وغادي يجيبوهوم فالحال. بواسطة قنديل قدرت نشوف المدرسة : بانو لي ثلاثة ديال البنايات وحدة فيهم قديمة بزاف على حقاش مبنية بْلَحْنِيَة.شي واحد من السكان اخبرني بأن المعلمين كانو يسكنو فيها ولكن فهاد لوقيتة راها شوية مخربة وخاصها الاصلاح.بالنسبة للأقسام راهم مجهزين من كل شي.قلت لو : فيهم الضو ؟ ضحك وقال ليا : الضو لقيناه لراسنا بعدا.اسويدي ماكاين غير الشمع والقنديل. باش نبين لو بأني حتى انا عشت فلعروبية قلت لو : ما كاين مشكيل حتى حنا غير مْخيْمين . المهم فتحو القسم وجابو لعشا وأتاي .كلينا غير أنا وصاحبي ، هوما غير يتفرجو فينا .شي مرات كانو تيْسَْولونا وصاحبي كان يجاوبهوم.انا صراحة ماشي عزيز عليا بحال هاد لفضول حيت من طبعي ما عمرو ما سوّلت شي واحد بحال هاد الأسئلة الشخصية.شي وقيتة واحد فيهم قال ليا : شفنا غير صاحبك اللي تيتكلّم.أنت بعدا مين من لخّوت ردّيت عليه وانا كنشرب أتاي : من ليهود .شافو فيا كولهوم : من ليهووووووووود قال ليا واحد فيهم : واش راك تهدر بنيتك ؟ قلتلو : داخلنا عليك بالله واش ما بايناش عليا مغرابي؟ مالكوم اصاحبي مع هاد العنصرية القبلية ؟ واش غي حنا رماونا عندوكم بقيتو معانا فالتحقيقات؟ الشاف ديالهوم قرّب مني وقال لي: اسمح لي أسويدي ما تدّيهاش منّا من قلة الصواب.غير اوكان قالو لينا بأن واحد من المعلمين جاي من الرباط .واش هاد الشي بصّاح؟ قلت لو : انا اللي من الرباط .واش كاين شي موشكيل؟ رد بالزربة : لا أسويدي بالعكس حنا فرحانين مين جانا واحد من العاصمة. تصورو هاد الكلمة خدمات علينا بزاف.هي هاديك قالو لينا : هاد الليلة راكو ضيوفنا .غادي تباتو عندي أنا الشيخ قدور معززين مكرّمين. آه ، نسيت نتكلم ليكوم على الشيفور .فديك لوقيتة اللي وصلنا فيها قال لي : خويا اعطيني رزقي انا راجع دابا لتاوريرت. ماكان عليا الا دفعت لو الثمن اللي اتفقنا عليه، لكن زدت اعطيتو عشرة ديال الدراهم : هادي حق الديرانجمو ديالك.شدها مني وركب فالطاكسي ديالو ومشى في حالاتو.اللي بان ليا ان هاد الشيفور ما عندوش مع هاد القوم أو ربما هوما اللي ما عندهومش معاه.
    على كل حال ، مشينا عند الشيخ قدور.دار واش من دار عندو ولكن خسارة ما فيهاش الضو.طبعا لاحظتها عليه او هو يقول لينا : غادي نشري ان شاء الله موتور ديال المازوط باش يكون عندي الضو بحال لمدينة.ما قالش ليا وقتاش وعرفت أن الشيخ يقدر يموت قبل ما يوصلو الضو. من قضية الضيافة ، تهلاو فينا مزيان .جابو لينا شي كْواش باقيين فميكتهوم يعني جْداد.
    صاحبي المكناسي تبْهض ، باينة عجبو الحال.أما أنا كان عندي عادي : واه شوف خويا حميد هاد لعروبية شحال يتهلّاو فالمعلمين. ما بغيتش نرد عليه ، خلّيتو الزغبي فرحان وعلى نيتو كما نقول . يا الله غادي نعسو ما عندي ما نزيدكوم


    المعجم الحوميدي

    البيست : طريق غير معبّدة
    لحفاري : جمع حفرة
    معمرة : مليئة
    درنا كروفيزون : العجلة انفجرت
    الشيفور : السائق
    شاف : رأى أو نظر
    رويضة : العجلة
    تقشع: ترى أو تلمح
    يغوتو : يصرخون
    شكون: منْ
    لميوطا : مصطلح عند أهالي البلدة ويقصدون به المعلّم (من أجل التهكم)
    عيّطْ :نادى
    جيبو: هاتو
    السوارت : المفاتيح
    ما نسولكش : لا أسألك
    لمقدم : أحد رجال البادية في المغرب وهو عون السلطة
    قدرتْ : استطعت
    بلحنية : نوع قديم من البناء يعتمد على التسقيف بالخشب
    مخيمين : مصطافون يعني في عطلة
    ليهود : اليهود
    تهدر بنيتك : تتكلم بصدق
    الشاف : الرئيس
    الديرانجمون : الازعاج
    واش : هل
    الموتور : المحرك
    المازوت : البنزين
    كواشْ : أغطية
    تبهضْ : اندهش
    الزغبي :ماشي نوال هههه الزغبي في المغرب نقصد بيها انسان مسكين ولا حظ له
    نعسو : ننام




  10. #10
    عضو متميز
    الصورة الرمزية houmidi59
    الحالة : houmidi59 غير متواجد حالياً
    رقم العضوية : 39335
    تاريخ التسجيل : 18 - 8 - 2013
    الجنسية :
    الهوايه :
    كيف تعرفت على المنتدى : بوشعيب56
    SMS :
    العمر: 58
    المشاركات : 568
    التقييم : 63550
    Array
    الجنس:

    ذكر

    معدل تقييم المستوى
    6555

    افتراضي رد: مذكرات معلم في البادية (1982/1983 )


    الحلقة الرابعة

    فقنا
    فالصباح بكري.كانت يا الله الساعة الستّة.لعروبية معروفين بلفياق بكري بلا ما يشريوه بالذهب (ههههه).جا الحاج قدّور وقال لينا : صباح الخير سيادنا لميوطا.ياك أنعستو مزيان؟ ما بردتوش هاد الليل؟

    شَفْت فيه واحد الشوفا واعرة، بحال الى باغي نضّارب معاه.قلت لو بما معناه : هاد كلمة لميوطا ما كتعجبنيش او فيها شوية ديال الاحتقار.عنداك يتسحاب ليك حنا ضياف وتبقى تسبنا.
    مول الدار صفارمسكين لدرجة أنه مابقاتش نقطة الدم تْبان فوجهو.مسكين تلفات ليه الهدرة على حقاش ما كانش ينتظر بحال هاد الرد.بغيت نقول ليكم أنني فالشباب ديالي كنت ديريكت مع البشر : كنت نقول الرأي ديالي بصراحة وبدون اختيار الكلمات المناسبة.كنت أريد أن أكون عفويا بمعنى الكلمة.حاليا ما بقيتش تنْفاعل دغيا وبعض المرات نْدير عين ميكة .
    المهم الحاج قدّور شاف في وانا كنبتسم .هي هاديك بدا يضحك وقال ليا : اسمح لينا يا أستاذ حنا موالفين ديما تنعيطو على المعلمين لميوطا ولكن أنت جاينا من الرباط .أنت أستاذ كبير وغادي نتهالّاو فيك مزيان....
    قاطعتو : ربّي هو اللي يتهلّى.انا اللي باغي الأساتذة كولهوم كيف كيف .ما بغيتش نسمع كلمة لميوطا من اليوم
    ردّ علي : ما يكون غير خاطرك
    جابو لينا الماء وتوضّينا وصلّينا الصبح.من بعد جابو لينا الطبْلة فيها صينية ديال أتاي معها شي طباسل ديال السمن ولعسل فوق من واحد لحرشة ياكول فيها شعب.
    افطرنا مزيان انا وصديقي علي وحمدنا الله وقلنا لمول الدار : لله يخلف. ثم طلبنا منو السماح للذهاب الى المدرسة لاستقبال التلاميذ.
    فالنهار تبان المدرسة بحال شي فاكُوَات ديال التْران بالعربية عربات القطار .بانو التلاميذ يكونو شي عشرين واحد : بنات وولاد.غير شافونا ، جاو لعندنا يجريو باس يبوسو لينا يدّينا.صاحبي علي كان يرد على كل بوسة فاليد : استغفر الله العظيم ، استغفر الله العظيم.
    أنا فقط اكتفيت بمصافحتهم بعد ما قلت ليهم : شوفو اوليداتي سلّمو باليد بحال الناس لكبار.
    المهم وزعنا التلاميذ بيناتنا هو خْدى التلاميذ ديال التحضيري والقسم الثاني وانا خْديت باقي التلاميذ.دخَّلْنا كل فوج للقسم .هاديك هي سجّلت الأسماء ديالهوم وديال الآباء ديالهوم والاسم ديال خوتهوم .المهم سجلت كل المعلومات المتعلقة بهم.من بعد كتبت لكل واحد اللائحة ديال الكتب والأدوات المدرسية اللي خاصو يشريها .من بعد اختبرتهوم فالقراية ، لقيتهوم ربنا خلقتنا : والو انيقشيعابل يعني هاد لبراهش ما قراو تقريبا والو .
    مشيت عند صاحبي ، قلت لو :
    _ اوى منضْرى كيدايرين التلاميذ اللي عندك ؟
    _ وا لعجب هادو ما عمرو ما قراو.
    _ ولكن أصاحبي هادو يا الله فاش داخلين للمدرسة
    _ عنداك الحق .غادي نبدّي معاهم من لَوَّل
    _ داك الشي اللي غادي نْدير حتى أنا
    رجعت للقسم ديالي .كان عدد التلاميذ عندي 12 فيهم 5 ديال لبنات.
    قلت ليهم : اليوم الجمعة ما كاينش لقراية ولكن ما فيها باس اليوما جيت غير باش نتعرّف عليكم.غدا ان شاء الله تمشيو لتاوريرت باش تشريو الأدوات والكتب ويوم الإثنين تبدى الدراسة.
    يا الله راكوم محرّين
    التلاميذ خرجو يجريو شاد كل واحد فيهم الورقة اللي عطيت لو .
    رجعت عند صاحبي : اوى اصاحبي واش ما باغيش تتفاك مع هاد البزاقيل (لبراهش) ؟
    جاوبني : خويا الساعة راها يا الله العشرة ديال الصباح.الوقت عندنا حتى لطناش
    قلت لو : خرّج التلاميذ ،نشوفو آش نديرو
    _ عنداك الحق .أنّيت خاصنا نْخمْلو ديك البيت بش نسكنو فيها
    _ أخويا أسكن فيه أنت أنا بعدى غادي نسْطالي فالقسم ديالي حيت مهبّب وداخلو الضو
    _ الضو ؟
    _ الضو ديال الشمس أ صاحبي


    يتبع غدا إن شاء الله

    المعجم الحوميدي


    فقنا : استيقظنا
    بكري : باكرا
    بلفياق ك بالاستيقاظ
    الشوفا : نظرة
    نضّارب : أتخاصم
    صفار : اصبح أصفر اللون أو وجهه اصفر
    تلفات ليه الهدرة : لم يجد ماذا يقول أو يجيب
    ديريكت : مباشر
    عين ميكة : عبارة تعني لم أرد أن أرى شيئا أو لم أعبأ به
    نتهالّاو : نهتم
    طباسل : صحون
    لحرشة : نوع من الخبز المغربي يصنع من الدرة
    لله يخلف : بارك الله فيكوم
    فاكُوَات ديال التْران : عربات القطار

    ربنا خلقتنا : لا يفقهون شيئا
    والو انيقشيعابل : نفس المعنى السابق
    منضْرى : بالعربية الفصرى يا ترى ؟
    محرّين : أحرار
    نْخمْلو : ننظف
    نسْطالي : بالوجدية تعني استقر
    مهبّب : فيه هواء بارد ومنعش
    الضو : الضوء.صديقي كان يقصد الكهرباء

صفحة 1 من 8 123 ... الأخيرةالأخيرة

المواضيع المتشابهه

  1. مذكرات معلم درَّس في الجزائر في فترة التعريب - مقتطفات
    بواسطة علي طه النوباني في المنتدى أخبارمنتدى المغرب العربي
    مشاركات: 1
    آخر مشاركة: 12-10-2013, 11:21 AM
  2. 18+17+16 \ سبتمبر \ 1982 مجزرة صبرا و شتيلا
    بواسطة ® Стоматолог في المنتدى القدس
    مشاركات: 25
    آخر مشاركة: 03-05-2013, 06:20 AM
  3. مذكرات مهاجر ...
    بواسطة الفيلسوف المخضرم في المنتدى منتدى الخواطر
    مشاركات: 2
    آخر مشاركة: 04-14-2010, 05:13 PM
  4. مشاركات: 1
    آخر مشاركة: 01-30-2010, 12:16 PM
  5. مدينة تدمر عروس البادية السورية جمال ساحر وآثار رائعة وتاريخ عظيم
    بواسطة علم الدين في المنتدى منتدى السفر والسياحة
    مشاركات: 8
    آخر مشاركة: 11-13-2009, 06:29 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
   

X vBulletin 4.2.1 Debug Information

  • Page Generation 0.42886 seconds
  • Memory Usage 9,722KB
  • Queries Executed 11 (?)
More Information
Template Usage (38):
  • (1)SHOWTHREAD
  • (1)ad_footer_end
  • (1)ad_footer_start
  • (1)ad_global_above_footer
  • (1)ad_global_below_navbar
  • (1)ad_global_header1
  • (1)ad_global_header2
  • (1)ad_navbar_below
  • (1)ad_showthread_firstpost_sig
  • (1)ad_showthread_firstpost_start
  • (1)ad_thread_first_post_content
  • (1)ad_thread_last_post_content
  • (3)bbcode_quote
  • (1)facebook_likebutton
  • (1)footer
  • (1)forumrules
  • (1)gobutton
  • (1)header
  • (1)headinclude
  • (1)headinclude_bottom
  • (10)memberaction_dropdown
  • (1)navbar
  • (4)navbar_link
  • (1)navbar_noticebit
  • (1)navbar_tabs
  • (9)option
  • (1)pagenav
  • (1)pagenav_curpage
  • (2)pagenav_pagelink
  • (10)postbit_legacy
  • (10)postbit_onlinestatus
  • (10)postbit_wrapper
  • (4)showthread_bookmarksite
  • (5)showthread_similarthreadbit
  • (1)showthread_similarthreads
  • (1)spacer_close
  • (1)spacer_open
  • (1)tagbit_wrapper 

Phrase Groups Available (6):
  • global
  • inlinemod
  • postbit
  • posting
  • reputationlevel
  • showthread
Included Files (25):
  • ./showthread.php
  • ./global.php
  • ./includes/class_bootstrap.php
  • ./includes/init.php
  • ./includes/class_core.php
  • ./includes/config.php
  • ./includes/functions.php
  • ./includes/functions_navigation.php
  • ./includes/class_friendly_url.php
  • ./includes/class_hook.php
  • ./includes/class_bootstrap_framework.php
  • ./vb/vb.php
  • ./vb/phrase.php
  • ./includes/functions_facebook.php
  • ./includes/functions_bigthree.php
  • ./includes/class_postbit.php
  • ./includes/class_bbcode.php
  • ./includes/functions_reputation.php
  • ./includes/functions_notice.php
  • ./packages/vbattach/attach.php
  • ./vb/types.php
  • ./vb/cache.php
  • ./vb/cache/db.php
  • ./vb/cache/observer/db.php
  • ./vb/cache/observer.php 

Hooks Called (76):
  • init_startup
  • friendlyurl_resolve_class
  • database_pre_fetch_array
  • database_post_fetch_array
  • global_bootstrap_init_start
  • global_bootstrap_init_complete
  • cache_permissions
  • fetch_threadinfo_query
  • fetch_threadinfo
  • fetch_foruminfo
  • load_show_variables
  • load_forum_show_variables
  • global_state_check
  • global_bootstrap_complete
  • global_start
  • style_fetch
  • global_setup_complete
  • showthread_start
  • showthread_getinfo
  • strip_bbcode
  • friendlyurl_clean_fragment
  • friendlyurl_geturl
  • friendlyurl_redirect_canonical
  • showthread_post_start
  • showthread_query_postids
  • showthread_query
  • bbcode_fetch_tags
  • bbcode_create
  • showthread_postbit_create
  • postbit_factory
  • postbit_display_start
  • fetch_musername
  • cache_templates
  • cache_templates_process
  • template_register_var
  • template_render_output
  • fetch_template_start
  • fetch_template_complete
  • parse_templates
  • notices_check_start
  • notices_noticebit
  • process_templates_complete
  • reputation_power
  • reputation_image
  • bbcode_parse_start
  • bbcode_img_match
  • postbit_imicons
  • bbcode_parse_complete_precache
  • bbcode_parse_complete
  • postbit_display_complete
  • memberaction_dropdown
  • pagenav_page
  • pagenav_complete
  • tag_fetchbit_complete
  • showthread_similarthread_query
  • showthread_similarthreadbit
  • forumrules
  • showthread_bookmarkbit
  • navbits
  • navbits_complete
  • build_navigation_data
  • build_navigation_array
  • check_navigation_permission
  • process_navigation_links_start
  • process_navigation_links_complete
  • set_navigation_menu_element
  • build_navigation_menudata
  • build_navigation_listdata
  • build_navigation_list
  • set_navigation_tab_main
  • set_navigation_tab_fallback
  • navigation_tab_complete
  • fb_canonical_url
  • fb_like_button
  • showthread_complete
  • page_templates